maleko lolang dao te kuli'na padang male ulleanni buntu ullambanni tasik kalua' osokko rakka' sangpulomu anna to'do ma'pu'mu anna sa'dingngi nene' pong tulak padang diong to kengkok natunduiko mangando langngan puang matua anna ra'pak passakena anna membura rakka' sangpulomu.
apa lamukilalai iatu pa'barang baranan lino tato' lai' dilese didudung suleko ma'tangke patomali umpellambi' tananan lolomu dio tongkonan anna sende paiman lo'dok to kayangan to ma'rra buku to ma'rapu tallang to sangkaponan ao' umpudi puang titanan tallu tirindu patoko dao langi' ma'gulung gulunganna
tondok kadidian
